കൊട്ടിയൂർ - ഇരിട്ടി - ആലക്കോട് റൂട്ടിൽ സർവീസ് നടത്തുന്ന ബിഗ് ഷോ ട്രാവൽസിൽ ഇനി യാത്രക്കാർക്ക് എസിയിൽ ഇരുന്ന് യാത്ര ചെയ്യാം. പൂർണ്ണമായി എയർ കണ്ടീഷൻ ചെയ്ത ബസ് മേയ് 15 മുതൽ സർവീസ് തുടങ്ങി. കണ്ണൂർ ജില്ലയിൽ ആദ്യമായാണ് ഒരു ഗ്രാമീണ റൂട്ട് ബസ് എയർ കിഷൻ ചെയ്ത് സർവ്വീസ് നടത്തുന്നത്. ഒടുവള്ളി ബാലപുരം സ്വദേശി മുട്ടത്ത് സുനോജാണ് ബസിൻ്റെ ഉടമ. അഞ്ച് ബസുകളാണ് സുനോജിൻ്റെ ബിഗ് ഷോ കമ്പിനിക്കുള്ളത്. കൊട്ടിയൂർ റൂട്ടിൽ ഉള്ള ഈ സർവീസ് 18 വർഷം മുൻപ് പെർമിറ്റ് എടുത്തിരുന്നതാണ് 2 വർഷം മുൻപാണ് സുനോജ് ഈ റൂട്ടിലെ സർവ്വീസ് ഏറ്റെടുത്തത്. രാവിലെ 8 മണിക്ക് കൊട്ടിയൂർ അമ്പായത്തോട്ടിൽ നിന്ന് തുടങ്ങുന്ന യാത്ര 11 മണിക്ക് ആലക്കോട് എന്നും. 12.30 തിരികെ പുറപ്പെടുന്ന വണ്ടി 4.15ന് കൊട്ടിയൂരിലെത്തും. 4.30 ന് വീണ്ടും ഇരിട്ടിയിലേക്ക് മാത്രം പോകുന്ന ബസ് 6.45 ന് വീണ്ടും കൊട്ടിയൂരിലെത്തും. കൊട്ടിയൂർ ഉത്സവകാലം എത്തുമ്പോഴേക്കും തീർഥാടകർക്കും നാട്ടുകാർക്കും സുഗമ യാത്രയൊരുക്കുകയാണ് ഈ എസി സൗകര്യമൊരുക്കുന്നതിലൂടെ ചെയ്യുന്നതെന്ന് ഉടമ സുനോജ് പറയുന്നു. മാത്രമല്ല കാലാവസ്ഥ വ്യതിയാനം വേനൽകാലത്ത് യാത്രക്കാരേ ബാധിക്കുന്നതും മഴക്കാല യാത്രകളെ പോലും ദുരിതപൂർണമാക്കുന്നതായും ഇതിന് ഒരു പരിഹാരമാണ് എസി ബസ് എന്നും സുനോജും ബസിലെ ജീവനക്കാരായ കണ്ടക്ടർ ഷിജിൽ കുമാർ,ഡ്രൈവർ അഭിരാജ്, ജിജോ ജോൺ എന്നിവരും പറയുന്നു.
You can now travel to Kottiyoor and Alakode in the hills by air-conditioned route bus. Bigshow Travels with AC route bus
